Master de Tradutzione e Comunicatzione in Limba Sarda

In sa foto: Sas colunas, su monumentu e su simbolu de s' Universidade Autonoma de Bartzelona




Su Master de tradutzione e comunicatzione in limba sarda est organizadu dae su Consortziu Universitariu de Nùgoro in collaboratzione cun s’Universidade de Bartzelona.
Sos istudentes sunt immatriculados in s’Universidade Autònoma de Bartzelona e sa sede nugoresa cunsentit de òspitare sas letziones de su Master.
Custa est sa cuarta editzione de su Master in limba sarda, est de 320 oras e est frecuentadu dae batordighi istudentes, custu annu est incumintzadu in su mese de freàrgiu de su 2007 e finit su 16 de làmpadasa, sas letziones si fàghent in Nùgoro in sos laboratòrios de informatica de su Litzeu Scientìficu “E.Fermi”.
Su diretore scientìficu est Diegu Corraine pro s'istitutzione sarda e Carles Biosca pro sa Universidade catalana. Sos professores universitarios e sos espertos benint dae Bartzelona (Carles Biosca, Barto Mesa, Gustau Navarro Barba e Ramon Piquè) e dae sa Sardigna (Diegu Corraine, Carlo Zoli, Giovanni Lupinu, Alessandra Raggio, Don Antonio Pinna, Tonino Oppes, Carlo Sanna, etz).
S'obietivu est de formare espertos in sa tradutzione, interpretariadu, comunicatzione giornalìstica e publitzidade in sardu in formatu digitale.
Ateru obietivu est de creare espertos ispetzializados in sa tradutzione, chi siant capatzes de fàghere unu situ web, artìculos pro s'istampa e creare messàgios publitzitàrios.
Difatis sos istudentes sunt imparende tècnicas diferentes de tradutzione e de interpretariadu, comente tradutziones dae su sardu a àteras limbas e a s'imbesse, sa limba de riferimentu est sa Limba sarda Comuna, dae su 2006 sa limba ufitziale de sa Regione Sardigna.


Incarga in bassu pro bìdere sa Publitzidade de su Master de ocannu in su situ de Tempus Nostru:
Bandu de su Master in Limba Sarda